“ဂျိုးဘိုင်ဒင် ဘါလုပ်မှာလဲ လို့ စိုးရိမ်ပူပန်နေတဲ့ အာရှ”

Spread the love
  •  
  •  
  •  
  •  
  •  
  •  

“ဂျိုးဘိုင်ဒင် ဘါလုပ်မှာလဲ လို့ စိုးရိမ်ပူပန်နေတဲ့
အာရှ”

November 9, 2020  တိုကျို(AP)

 

အာရှသားတွေဟာ ဂျိုးဘိုင်ဒင်အမှန်တကယ်အုပ်ချုပ်နေပြီဆိုတာကို လက်ခံလိုက်ရတဲ့အခါမှာ စီးပွါးရေးနဲ့ပတ်ဝန်းကျင်ထိန်းသိမ်းရေး
ပြန်လည်သက်ဝင်လှုပ်ရှားလာမှာကိုမျှော်လင့်မှု နဲ့ သူတို့ကို ဂျိုးဘိုင်ဒင် အာရုံမစိုက်မှာကို
ကြောက်တဲ့စိုးရိမ်မှုတွေ သူတို့စိတ်ထဲမှာလွန်ဆွဲနေပါတယ်။
ကုန်သွယ်ရေးလုံခြုံစိတ်ချရမှုကနေ  ရာသီဥတု အပြောင်းအလဲအထိ အင်အားကြီးမားတဲ့အမေရိကန်ပြည်ထောင်စုလိုနိုင်ငံတခုဟာ အာရှ-ပစ္စိဖိတ် ထောင့်တိုင်းနီးပါးအထိ တိုးချဲ့ဆောင်ရွက်နိုင်ခဲ့ပါတယ်။
သူအုပ်ချုပ်ခဲ့တဲ့ လေးနှစ်တာကာလအတွင်းသမ္မတ ထရန့်ဟာ
အမေရိကန်ပြည်ထောင်စုနဲ့ဆက်နွယ်ပတ်သက်
နေတဲ့အဖွဲ့အစည်းတွေ လှုပ်ခါခဲ့ပါတယ်။
အစဉ်အလာပြိုင်ဘက်တွေကို ဘိတ်ခေါ်ခဲ့ပြီး
မဟာမိတ်တွေကိုလည်းအကြိမ်ရေများစွာ
သဘောရှိတိုက်ခိုက်ခဲ့ပါတယ်။
အခုဆို ဘိုင်ဒင်ဟါ အုတ်အော်သောင်းတင်းဖြစ်နေတဲ့ပြည်တွင်းရေးပြဿနာတွေကိုဖြေရှင်းမယ့်ပုံပေါ်တာကြောင့် အာရှနိုင်ငံတွေဟာ ကြိုတင်တွေးထားတဲ့အတိုင်းအဆုံးသတ်ရ
တော့မလားဆိုတဲ့စိုးရိမ်စိတ်တွေ ကျယ်ကျယ်
ပြန့်ပြန့်ဖြစ်ပေါ်လာခဲ့ပါတယ်။မဟာမိတ်တွေကိုဂရုမစိုက်ပဲထားတော့မယ်။
အထူးသဖြင့် ဒေသအတွင်းလွှမ်းမိုးနိုင်စွမ်း အတွက် အမေရိကန်ပြည်ထောင်စုရဲ့ အကြီးမားဆုံးပြိုင်ဘက် တရုတ်ပြည် ကသူတို့
စိတ်ကြိုက်လုပ်လာမှာ စိုးရိမ်လာကြပါတယ်။
ပြီးခဲ့တဲ့ အမေရိကန်ပြည်ထောင်စုသမိုင်းမှာ
အငြင်းပွါးဖွယ်အဖြစ်ဆုံး သမ္မတရွေးကောက်ပွဲ
အပြီးမှာ ဂျိုးဘိုင်ဒင်ရဲ့အိမ်ဖြူတော်ဟာ ကမ္ဘာ့
အရေးအပါဆုံး နဲ့ မတည်ငြိမ်ဆုံး အရပ်ဒေသတခုမှာ ဘယ်လိုပါဝင်ဆောင်ရွက်လာမလဲဆိုတာကို
ကြည့်ကြပါစို့။

“တရုတ်ပြည်”

ဘိုင်ဒင်ကဒီနေရာကို အရင်ဆုံးကြည့်ရလိမ့်မယ်။နိုင်ငံနှစ်နိုင်ငံဟာနိုင်ငံရေးရော စီးပွါးရေးပါရှောင်လွှဲမရအောင်
ရစ်ပတ်ဆက်နွယ်နေပါတယ်။ပစ္စဖိတ်ဒေသမှာအမေရိကန်ပြည်ထောင်စု
စစ်ရေးလှုပ်ရှားမှုရှိနေတာဟာ သဘာဝအလျှောက်သူသြဇာလွှမ်းမိုးထားတဲ့
နယ်မြေလို့ရှုမြင်ပြီး လမ်းကြောင်းတိုးချဲ့ဖို့ကြိုးပမ်းနေတဲ့တရုတ်နဲ့ထိရှမှုဖြစ်နေပါတယ်။ထရန့်ရဲ့အုပ်ချုပ်မှုအောက်မှာ ပြိုင်ဘက်နှစ်နိုင်ငံဟာ ကုန်သွယ်ရေးစစ်ပွဲဖြစ်ပွါးနေပြီး၊အပြန်အလှန်ရန်လိုတဲ့စကားတွေနဲ့ပြောဆို
တိုက်ခိုက်နေကြပါတယ်။အလက်ဇန်းဒါး
ဟူအန်းရဲ့အဆိုအရ ဘိုင်ဒင့်ရဲ့အုပ်ချုပ်မှုအောက်မှာ နှစ်ဘက်ရန်လိုပြောဆိုမှုတွေ တည်ငြိမ်အေးချမ်းသွားနိုင်တယ်လို့ဆိုပါတယ်။အလက်ဇန်းဒါးဟါ တိုင်ပေ တမ်ကန်းတက္ကသိုလ်က မဟာဗျူဟာလေ့လာရေး ပါမောက္ခတဦး ဖြစ်ပြီး၊အရင်က ထိုင်ဝမ် အမျိုးသားလုံခြုံရေး
အရာရှိဟောင်းတဦးဖြစ်ပါတယ်။
“ကျွန်တော်ကတော့ဘိုင်ဒင်က ပိုပြီးထိန်းထိန်းသိမ်းသိမ်းဆောင်ရွက်လိမ့်မယ်လို့မျှော်လင့်ပါတယ်။တရုတ်-အမေရိကန်ဆက်ဆံရေးမှာ ပိုပြီးထိပ်တိုင်ရင်ဆိုင်မှု
လျော့နည်းတဲ့ အိုဘားမားခေတ် ဆက်ဆံရေးပုံစံမျိုးကို ရောက်ရှိသွားမယ်လို့မျှော်လင့်တယ်”လို့သူက
ပြောဆိုခဲ့ပါတယ်။
ဝါရှင်တန်ကထိုင်ဝမ်ကိုထောက်ပံ့နေတာ
ကိုတရုတ်ပြည်ကအမြန်ရပ်တန့်အောင်ဆောင်ရွက်နိုင်မယ်လို့ထင်ရပြီး၊ထိုင်ဝမ်ဟာတရုတ်ပြည်ရဲ့ပိုင်နက်ဒေသလို့တရုတ်ကအခိုင်အမာပြောဆိုထားပါတယ်။ထိုင်ဝမ်ကို တရုတ်ခြိမ်းခြောက်မှုအန္တရယ်က ကိုယ့်ဖာသာ
ကာကွယ်နိုင်စေရမယ်လို့အမေရိကန်က
ကတိကဝတ်ပေးထားတာကိုလျှော့ချဖို့ သေချာပေါက်မလိုအပ်ဘူးလို့ ဟူအန်း ကပြောပါတယ်။
တရုတ်ပြည်ကလူအများအပြားက မြင်နေတဲ့အမေရိကန်ဟာ  ကမ္ဘာ့အင်အားကြီးနိုင်ငံအဖြစ်
ကရပ်တန့်လို့မရအောင်ကျဆင်းနေတယ်ဆိုတဲ့အမြင်ကို ဓာတုအင်ဂျင်နီယာတဦးဖြစ်သူတန် ယူအီဂူအိုက ပဲ့တင်ထပ်ပြောဆိုပါတယ်။”ဘယ်သူပဲရွေးချယ်ခံရပါစေ၊အမေရိကန်နိုင်ငံရဲ့ ဝရုန်းသုန်းကားဖြစ်မှု၊မတည်ငြိမ်မှုတွေကဆက်ရှိနေနိုင်ပြီး၊သူ့ရဲ့ဖွဲ့ဖြိုးတိုးတက်မှုကိုထိခိုက်မှာပဲဖြစ်တယ်။”လို့ တန် ကပြောပါတယ်။

 

     “ကိုရီးယားများ”

ထိပ်သီးဆွေးနွေးပွဲများကိုနှုတ်ဆက်ကြ

လူပုံအလယ်ထင်ထင်ပေါ်ပေါ်ဆွေးနွေးတဲ့ သတင်းအချက်အလက် တွေဟာ နူကလီးယားထိပ်ဖူးတပ် တာဝေးပစ်ဒုံးကျည်တွေကို မတားဆီးခဲ့ပေမဲ့၊အမေရိကန် နဲ့မြောက်ကိုရီးယားတို့ဟာ စစ်ရေးခြိမ်းခြောက်မှုတွေကနေ အရင်ကမလုပ်ခဲ့ဘူးတဲ့ သုံးယောက်အတူထိုင်
ဆွေးနွေးပွဲများ(အမေရိကန်၊တောင်ကိုရီးယား နဲ့ မြောက်ကိုရီးယား) အထိကျင်းပနိုင်ခဲ့ပါတယ်။
အခုဆို ကင်ဟာ တချိန်က အသေရိုက်သတ်ရမဲ့ ခွေးရူးတကောင်အဖြစ်ရှုံ့ချပြောဆိုခံခဲ့ရတဲ့  သူ့ရဲ့ဝါဒဖြန့်ချီရေးလုပ်ငန်းတွေကို အလိုက်သင့်ပြုပြင်နေထိုင်ရတော့မဲ့လူတယောက်ဖြစ်လာခဲ့ပါတယ်။
ဘိုင်ဒင်က သူ့ဘက်က ကင်ကို “သားသတ်သမား”၊”ရာဇဝတ်သား”လို့ ခေါ်ခဲ့ပြီး၊ထရန့်ဟာ အာဏာရှင်တယောက်ကိုလက်နက်ဖြုတ်သိမ်းရေးအတွက်ဘာလုပ်ငန်းစဉ်မှမဆောင်ရွက်နိုင်ပဲ သုံးပွင့်ဆိုင်တီဗွီတွေ့ဆုံဆွေးနွေးမှုလုပ်ပြီး၊တရားဝင်ဖြစ်ခွင့် လက်ဆောင်ပေးနေတယ်လို့ပြောခဲ့ပါတယ်။
ဘိုင်ဒင်ဟါ အလုပ်သဘော တွေ့ဆုံဆွေးနွေးမှုတွေနဲ့တည်ဆောက်ထားတဲ့ပိုမိုနှေးကွေးတဲ့ချဉ်းကပ်မှုကိုအတည်ပြုထောက်ခံချက်ပေးထားပြီး၊မြောက်ကိုရီးယားက နူကလီးယားဖျက်သိမ်းရေး လုပ်ငန်းစဉ်တွေကို အမှန်တကယ်ဆောင်ရွက်လာတဲ့အချိန်အထိအောင် စီးပွါးရေးပိတ်ဆို့အရေးယူတာတွေကိုတင်းတင်းကျပ်ကျပ်ဆောင်ရွက်ထားဖို့ဆန္ဒရှိနေပါတယ်။
မြောက်ကိုရီးယားကတော့ ကင် က ရှင်သန်ကျန်ရစ်နိုင်ဖို့ အားအကောင်းဆုံး အာမခံံချက်အဖြစ်မြင်နေနိုင်တဲ့ နူကလီးယားလက်နက်တွေကိုလုံးဝဖျက်သိမ်းပစ်ဖို့ဆန္ဒမရှိပါဘူး။ထိပ်သီးဆွေးနွေးပွဲလုပ်ငန်းစဉ်တွေကြောင့်ရလာမဲ့အလျှော့ပေးလိုက်လျောမှု အခွင့်အလမ်းတွေကိုအိပ်ထဲထည့်ဖို့ကိုပဲ ပိုပြီးသဘောကျနေပါတယ်။
တောင်ကိုရီးယားကတော့ သမ္မတအသစ်ဟာ မဟာမိတ်စာချုပ်ကိုထရန့်ထက်ပိုပြီး အလေးထားမယ်လို့ယူဆပါတယ်။ထရန့်ဟာပူးတွဲစစ်ရေးလေ့ကျင့်မှုတွေကိုတဘက်သတ် အရွယ်အစားလျှော့ချပြီး၊မြောက်ကိုရီးယားကိုကာကွယ်ဖို့အတွက်
တောင်ကိုရီးယားမှာတပ်စခန်းချထားတဲ့အမေရိကန်စစ်သား၂၈၅၀၀အတွက် ကုန်ကျစားရိတ်တွေနဲ့ပတ်သက်ပြီး၊ အမြဲတမ်း မကျေမနပ်ပြောဆိုနေခဲ့ပါတယ်။

 

“ဂျပန်”

ဒီနှစ် ဂျပန်ဝန်ကြီးချုပ် ရှင်ဇိုအာဘေးနှုတ်ထွက်သွားတာကြောင့်  ထရန့်ရဲ့နိုင်ငံခြားခေါင်းဆောင်တဦးနဲ့ အနီးကပ်အကျိုးရှိတဲ့ ဆက်ဆံရေးတခုအဆုံး
သတ်သွားခဲ့ရပါတယ်။
ဘိုင်ဒင်ရဲ့ပိုမိုတိုးတက်သောဂေဟဗေဒ(သက်ရှိသတ္တဝါ၊တိရာစ္ဆာန်၊သစ်ပင်စသည်တို့နဲ့သဘာဝပတ်ဝန်းကျင်ဆက်စပ်မှုကိုလေ့လာသောအတတ်ပညာ) မူဝါဒတွေဟာ သဘာဝပတ်ဝန်းကျင်စိမ်းလန်းစိုပြေရေးကိုအလေးထားတဲ့ဂျပန်ကုမ္ပဏီတွေကိုအကူအညီပေးလိမ့်မယ်လို့ တိုကျိုကမျှော်လင့်ပါတယ်။
ဂျပန်နဲ့အမြဲလိုအပြိုင်အဆိုင်ဖြစ်နေတဲ့တရုတ်အပေါ်မှာလည်း သဘောထားတင်းမာလိမ့်မယ်လို့မျှော်လင့်ထားပါတယ်။ဒါပေမဲ့စိုးရိမ်ပူပန်မှုလည်းရှိပါတယ်။
“ဘိုင်ဒင်ရဲ့လက်အောက်မှာ အမေရိကန်ဟာတခြားနိုင်ငံတွေကို ဂရုစိုက်နိုင်တော့မှာမဟုတ်ပဲ၊သူ့နိုင်ငံရဲ့ပြန်လည်တည်ဆောက်ရေးကိုပဲဦးစားပေးဆောင်ရွက်နေရမှာ”လို့ ကန်ဆိုင်းတက္ကသိုလ် ခေတ်သစ်အမေရိကန် နိုင်ငံရေး နဲ့ သမိုင်းပါမောက္ခ ဟီရို အီဒါက
ပြောပါတယ်။ဘိုင်ဒင်ဟါသူ့နိုင်ငံအတွင်းက
လူမျိုးရေးပြဿနာတွေကနေ ကိုရိုနာဗိုင်းရပ်(စ်) နဲ့ ကျန်းမာရေးစောင့်ရှောက်မှု၊စီးပွါးရေးကျဆင်းမှုအတွက်စိုးရိမ်ပူပန်ရတာတွေအထိ ပြည်တွင်းရေးပြဿနာတွေနဲ့လောင်မြိုက်နေရတာကြောင့်၊တရုတ်နိုင်ငံရဲ့ဒေသတွင်းပိုင်နက်နယ်မြေချဲ့ထွင်ချင်တဲ့ရည်မှန်းချက်တွေ နဲ့ မြောက်ကိုရီးယားရဲ့ နူကလီယားဆောင်ရွက်ချက်တွေတိုးမြင့်လာတာတွေကို ဂျပန်နိုင်ငံက အထီးကျန် ရင်ဆိုင်ရနိုင်တယ်လို့ တိုကျိုအခြေစိုက်အားကပ်သုတတေသနလုပ်ငန်း ခွဲခြမ်းစိတ်ဖြာသုံးသပ်သူ ပီတာတက်စကာ ကပြောပါတယ်။

 

“သြစတြေးလျှ နဲ့ နယူးဇီလန်”

ထရန့်ရွေးကောက်ခံရချိန်က အာဏာရသြစတြေးလျှ ကွန်ဆာဗေးတစ် ဝန်ကြီးချုပ် မယ်လ်ဘွမ် တန်ဘူး က ဘိုင်ဒင့်ကိုချီးကျူးစကားအဖြစ် “ခင်ဗျားအနိုင်ရခဲ့တာဟာ တကယ့်ကိုစိတ်သက်သာရာရခဲ့မှုတခုပါ”လို့တွစ်တာမှာရေးသားခဲ့တာဟာလူများစွာအတွက်စကားပြောဆိုခဲ့တာဖြစ်နိုင်ပါတယ်။
ဘိုင်ဒင်ရဲ့လက်ထက်မှာ ထရန့်အုပ်ချုပ်စဉ်တုန်းကထက် ပိုပြီးကောင်းမွန်စွာဆောင်ရွက်လိမ့်မယ်လို့မျှော်လင့်ထားပါတယ်။ထရန့်လက်ထက်က သြစတေးလျှထုတ်လုပ်သူတွေကို အလူမီနီယံနဲ့ စတီးလ် တင်သွင်းမှုတွေကို ၂၀၁၈ခုနှစ်မှာအခွန်ကင်းလွတ်ခွင့်ပေးခဲ့ပေမဲ့ နှောက်တနှစ်အကြာမှာသဘောထားပြောင်းသွားခဲ့ပါတယ်။
နယူးဇီလန်အတွက်ကတော့ အမေရိကန်ပြည်ထောင်စုအုပ်ချုပ်ရေးစံနစ်အောက်မှာ ပိုပြီးလွတ်လပ်ပွင့်လင်းတဲ့ ကုန်သွယ်ခွင့်ကိုဖွင့်ပေးပြီး၊နို့တွေ၊အမဲသားတွေ ပိုမိုရောင်းချနိုင်ခွင့်ရဖို့ဆန္ဒပြင်းပျနေပါတယ်။
နယူးဇီလန် နဲ့ တခြားပစ္စဖိတ် ဒေသကနိုင်ငံတွေဟာ တရုတ်ပြည်နဲ့ တင်းမာမှုတွေကို လျှော့ချနိုင်ဖို့ ဘိုင်ဒင်က အကူအညီပေးဖို့ကို မျှော်လင့်နေကြပါတယ်။
နယူးဇီလန်ဟာ သူ့ကိုယ်သူ အင်အားကြီးနိုင်ငံနှစ်ခုကြားမှာ အကြပ်အတည်းတွေ့နေခဲ့ရပါတယ်။တရုတ်ပြည်ကို သူ့ရဲ့အကြီးဆုံးကုန်သွယ်ဖက်နိုင်ငံတခုအဖြစ် မှီခိုအားထားနေရသလို အမေရိကန်ပြည်ထောင်စုနဲ့လည်း ထုံးတမ်းစဉ်လာကာကွယ်ရေးဆောင်ရွက်ချက်တွေ နဲ့ ထောက်လှမ်းရေးသတင်း အချက်အလက် အပြန်အလှန် ဖလှယ်တာတွေကို ဆက်လက်ဆောင်ရွက်နေပါတယ်။

 

         “အိန္ဒိယ”

အိန္ဒိယ နဲ့ အမေရိကန် ပြည်ထောင်စုတို့ရဲ့
လုံခြုံရေး နဲ့ ကာကွယ်ရေးဆိုင်ရာပူးပေါင်းဆောင်ရွက်မှုတွေကတော့သိတ်များများစားစား ပြောင်းလဲမှာမဟုတ်ပါဘူး။
ဒါပေမဲ့ ဘိုင်ဒင့်ရဲ့စီမံအုပ်ချုပ်မှုမှာ အိန္ဒိယရဲ့ အစွန်းအထင်းရှိတဲ့ လူ့အခွင့်အရေးဆိုင်ရာကိစ္စရပ်တွေ နဲ့ ဘာသာရေးဆိုင်ရာလွတ်လပ်ခွင့် မှတ်တမ်းတွေကို အနီးကပ်ပိုပြီးစောင့်ကြည့်လာမဲ့ပုံ ရှိပါတယ်။
ထရန့်လက်ထက်တုန်းကတော့ ဒီနှစ်ခုစလုံးကိုအကြီးအကျယ် လစ်လျှူရှု ထားခဲ့ပါတယ်။
ဘိုက်ဒင်ဟါ အိန္ဒိယ ဝန်ကြီးချုပ် နာရင်
ဒ ရာ မိုဒီ ရဲ့ လူနည်းစုတွေအပေါ်ဖိနှိပ်တယ်လို့ဝေဖန်နေကြတဲ့ ဟိန္ဒူအမျိုးသားရေး မူဝါဒတွေကိုပိုပြီး ဝေဖန်လာလိမ့်မယ် လို့လည်းပဲ မျှော်လင့်ရပါတယ်လို့ ဝါရှင်တန်အခြေစိုက်ဝီလ်ဆင်စင်တာက အာရှအစီအစဉ် လက်ထောက်ဒါရိုက်တာ မိုကယ်လ် ကူဂျယ်လ်မန် ကဆိုပါတယ်။
အားလုံးရဲ့ပြိုင်ဘက်ဖြစ်နေတဲ့ တရုတ်ပြည်နဲ့ အင်အားထိန်းညှိနိုင် ဖို့အတွက်နိုင်ငံတွေဟာ ပိုပြီးနီးကပ်စွာပူးပေါင်းလုပ်ဆောင်ရမယ်လို့ကူဂျယ်လ်မန် ကပြောပါတယ်။”ဘိုင်ဒင်ဦးဆောင်တဲ့အိမ်ဖြူတော်ဟာ အရှေ့တောင်အာရှဒေသမှာ အကောင်းဆုံးမဟာဗျူဟာမြောက် အလောင်းအစားတခုအဖြစ် ဝါရှင်တန်က ရှုမြင်ထားတဲ့ နိုင်ငံတနိုင်ငံကိုရန်လုပ်ပြီးအရဲစွန့်မှာတော့မဟုတ်ဘူး”လို့သူကပြောပါတယ်။

 

     “အရှေ့တောင်အာရှ”

စီးပွါးရေးပြန်ကောင်းလာစေဖို့ အာရုံစိုက်မှု နဲ့ များပြားတဲ့ရင်းနှီးမြှုတ်နှံမှုတွေ
ကြောင့် မလေးရှားကဲ့သို့သော ဒေသအတွင်းက တချို့နိုင်ငံတွေဟာတရုတ်ပြည်အပေါ်မှာ
မဏ္ဍိုင်ပြုထားရပါတယ်။”အမေရိကန်ပြည်ထောင်စုအနေနဲ့ ယုံကြည်မှုပြန်လည်တည်ဆောက်ဖို့ အချိန်ယူရလိမ့်အုန်းမယ်” လို့ မလေးရှား
နော်တင်ဂမ်တက္ကသိုလ်က ဂုဏ်ထူးဆောင်သုတေသန တွဲဖက်ပါမောက္ခဘရစ်ဂျက် ဝဲလ်(ရှ်) ကပြောပါတယ်။”အမေရိကန်ပြည်ထောင်စုရဲ့အင်အားဟာ အရင်ကအတိုင်းရှိလိမ့်မယ်မဟုတ်ဘူး”လို့သူကပြောပါတယ်။

“ဖိလစ်ပိုင်က ရိုဒရီဂို ဒူတာတေး၊ထိုင်းက ပရါရွတ် ချန် အိုချာ နဲ့ ကမ္ဘောဒီးယါးက ဟွန်ဆန်တို့လို့ အာဏာရှင်ဆန်တဲ့ ခေါင်းဆောင်တွေ နဲ့ ဆက်ဆံရာမှာ ဘိုင်ဒင်အနေ နဲ့ ပိုပြီး စိုးရိမ်စရာဖြစ်လာနိုင်ဖွယ်ရှိနေပါတယ်။”လို့ဖိလစ်ပိုင်နိုင်ငံက နိုင်ငံရေးခွဲခြမ်းစိတ်ဖြာသုံးသပ်သူရစ်ချတ် ဟေဒရီယန် ကပြောပါတယ်။
“အရှေ့တောင်အာရှ နဲ့ ဒေသတွင်းက သတိထားရမဲ့မဟာမိတ်တွေ ၊ လုပ်ဖော်ကိုင်ဘက်တွေ နဲ့ ဆက်ဆံရေးမှာ တည်ငြိမ်မှုရအောင်လည်း ပိုပြီးသတိကြီးစွာထားတတ်တဲ့ဘိုင်ဒင်ကရည်ရွယ်ထားနိုင်ပါတယ်။” “ကျွန်တော်တို့အမေရိကန် ရဲ့ဦးဆောင်မှုကို မြင်ရတော့မယ်။ဒါပေမဲ့ ဒေတွင်းနိုင်ငံတွေနဲ့ ဂျပန်၊သြစတေးလျှ၊အိန္ဒိယ၊ဥရောပနိုင်ငံတွေပါဝင်တဲ့အင်အားကြီးနိုင်ငံတွေရဲ့ပူးပေါင်းဆောင်ရွက်မှု တွေကို ပိုပြီးတွေ့မြင်ရတော့မယ်”လို့ သူကပြောပါတယ်။

 

Ref:AP(Associated Press writers Kim-Tong Hyung in Seoul,South Korea,Mari
Yamaguchi in Tokyo,Rod Mc Guirk in
Canberra,Australia,Nick Perry in Wellington,New Zeland, Eileen Ng in Kuala Lumpur,Malaysia,and Sheikh Saaliq in New Delhi contributed to this
report.)


Spread the love
  •  
  •  
  •  
  •  
  •  
  •