တပ်ကုန်းတွင် တရားမဝင် ခိုးဝင်လာသော တရုတ်နိုင်ငံသားများဖမ်းဆီးရမိ

Spread the love
  •  
  •  
  •  
  •  
  •  
  •  

တပ်ကုန်းမြို့နယ်တွင် တရားမဝင် ခိုးဝင်လာသော တရုတ်နိုင်ငံသားများဖမ်းဆီးရမိ
==========================
နေပြည်တော်၊ ဩဂုတ် – ၁၅

ယနေ့ နံနက် ၁ နာရီခန့်တွင် ရန်ကုန်-မန္တလေးအမြန်လမ်းမကြီး၊ တပ်ကုန်းလမ်းခွဲမှ တပ်ကုန်းမြို့သို့မောင်းနှင်လာသော လင်ခရူဇာ အမျိုးအစား မော်တော်ယာဉ်တစ်စီးသည် အိုက်ကျယ်ရွာနှင့် ဂွေ့ကြီးရွာကြား အရောက်၌ အရှိန်မထိန်းနိုင်ဘဲ လမ်း၏ဝဲဘက်ခြမ်းသို့ တိမ်းမှောက်မှုဖြစ်စဉ် ဖြစ်ပွားခဲ့ကြောင်း သတင်းရရှိသဖြင့် လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့သည်။

 

စစ်ဆေးမေးမြန်းချက်များအရ ယာဉ်မောင်းမှာ ထွက်ပြေးတိမ်းရှောင်သွားကြောင်း၊ အဆိုပါ မော်တော်ယာဉ်ပေါ်၌ တရုတ်နိုင်ငံသား ၁၁ ဦးပါရှိပြီး ချူးဟွန်ပီး ၂၈ နှစ်၊ ဖူးကျန်မြို့၊ တရုတ်နိုင်ငံနေသူ တစ်ဦးတည်းသာ နိုင်ငံကူးလက်မှတ်ပါရှိကာ ကျန် ၁၀ ဦးမှာ နိုင်ငံကူး လက်မှတ်နှင့် အထောက်အထားတစ်စုံတစ်ရာ ပြသနိုင်ခြင်းမရှိကြောင်းနှင့် ယာဉ်တိမ်းမှောက်မှုဖြစ်စဉ်ကြောင့် ဒဏ်ရာရရှိသောတရုတ်နိုင်ငံသား ၆ ဦးကို အနီးဝန်းကျင်ရှိ အိုက်ကျယ်ကျေးရွာသားများက တပ်ကုန်းမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရှိရသည်။

အဆိုပါဖြစ်စဉ်တွင် တရားမဝင်ခိုးဝင်လာသော တရုတ်နိုင်ငံသားများကို တပ်ကုန်းမြို့မ ရဲစခန်းတွင် တရားဉပဒေနှင့်အညီအရေးယူနိုင်ရေး အမှုဖွင့်ဆောင်ရွက်လျက်ရှိကြောင်း သတင်းရရှိသည်။
http://dsinfo.org/node/298


Spread the love
  •  
  •  
  •  
  •  
  •  
  •