ထားဝယ်အထူးစီးပွားရေးဇုန် ဝန်ကြီးအဆင့်ပူးတွဲကော်မတီနှင့် အဆင့်မြင့်ပူးတွဲကော်မတီများတွင် ဂျပန်ပါဝင်လိုမှုကို ကြိုဆို

Spread the love
  •  
  •  
  •  
  •  
  •  
  •  

ထားဝယ်အထူးစီးပွားရေးဇုန် ဝန်ကြီးအဆင့်ပူးတွဲကော်မတီနှင့် အဆင့်မြင့်ပူးတွဲကော်မတီများတွင် ဂျပန်ပါဝင်လိုမှုကို ကြိုဆို

၁၆ ဒီဇင်ဘာ ၂၀၂၀

ထားဝယ်အထူးစီးပွားရေးဇုန်စီမံခန့်ခွဲ့မှုကော်မတီ၊ ဥက္ကဌ၊ လျှပ်စစ်နှင့် စွမ်းအင် ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်သည် မြန်မာနိုင်ငံဆိုင်ရာ ဂျပန်နိုင်ငံ သံအမတ်ကြီး Mr. MARUYAMA Ichiro နှင့် ဂျပန်နိုင်ငံသံရုံးမှ ကိုယ်စားလှယ်များအား ဒီဇင်ဘာလ (၁၆) ရက်နေ့ နေ့လည်(၂)နာရီတွင် ထားဝယ်အထူး စီးပွားရေးဇုန်စီမံခန့်ခွဲမှုကော်မတီ၊ ဒုတိယဥက္ကဌ(၁)၊ ဒေါ်ရီရီချို၊ ဒုတိယဥက္ကဌ(၂)၊ ဒေါက်တာမြင့်ဆန်းနှင့် အတွင်းရေးမှူး၊ ဒေါက်တာတင်ထူးနိုင် တို့နှင့်အတူ Online Video Conferencing စနစ်ဖြင့် လက်ခံတွေ့ဆုံဆွေးနွေးခဲ့ပါသည်။

ထိုသို့ တွေ့ဆုံရာတွင် DSEZ MC ဥက္ကဌ၊ ဒေါက်တာထွန်းနိုင်မှ ဂျပန်နိုင်ငံအနေဖြင့် မြန်မာ-ထိုင်း ဖွဲ့စည်းဆောင်ရွက်လျက်ရှိသည့် ထားဝယ်အထူးစီးပွားရေးဇုန် ဘက်စုံဖွံ့ဖြိုးတိုးတက်ရေး ဝန်ကြီးအဆင့်ပူးတွဲကော်မတီနှင့် အဆင့်မြင့်ပူးတွဲကော်မတီများတွင် ပါဝင်လိုမှုအပေါ် ကြိုဆို လက်ခံပြီးဖြစ်ပါကြောင်းပြောကြားခဲ့ပြီး၊ ထားဝယ်အထူးစီးပွားရေးဇုန် ရေနက်ဆိပ်ကမ်း စီမံကိန်းဖွံ့ဖြိုးတိုးတက်ရေး (Dawei SEZ Deep Sea Port Development) အတွက် ရှေ့ဆက်လက်ဆောင်ရွက်မည့် အစီအစဉ်များ ပီပီပြင်ပြင်ဖြစ်ပေါ်လာရေးနှင့် ပင်မ စီမံကိန်းအတွက် မဟာဗျုဟာမြောက်ပတ်ဝန်းကျင်ဆိုင်ရာဆန်းစစ်ခြင်း (Strategic Environmental Assessment) ဆောင်ရွက်မည့်အစီအစဉ်များအား ဆွေးနွေးခဲ့ကြပါသည်။


Spread the love
  •  
  •  
  •  
  •  
  •  
  •