ပြင်ဦးလွင်မြို့နယ်တွင် ငွေကျပ်သိန်း ၃၅၃၅၀ တန်ဖိုးရှိ ဘိန်းဖြူများနှင့် စိတ်ကြွရူးသွပ်ဆေးပြားများ သိမ်းဆည်းရမိ

Spread the love
  •  
  •  
  •  
  •  
  •  
  •  

ပြင်ဦးလွင်မြို့နယ်တွင် ငွေကျပ်သိန်း ၃၅၃၅၀ တန်ဖိုးရှိ ဘိန်းဖြူများနှင့် စိတ်ကြွရူးသွပ်ဆေးပြားများ သိမ်းဆည်းရမိ

ပြင်ဦးလွင်မြို့နယ်၊ ပြင်စာနယ်မြေရဲစခန်းမှ တပ်ဖွဲ့ဝင်များသည် ဇူလိုင်လ ၁၆ ရက်နေ့ ၀၉၃၀ အချိန်တွင် ပြင်ဦးလွင်-မန္တလေး အဆင်းကားလမ်းတွင် ယာဉ်မတော်တဆမှုဖြစ်ပွားကြောင်း သတင်းအရ သက်သေများနှင့်အတူ သွားရောက်စစ်ဆေးရာ ယာဉ်မောင်းအားမတွေ့ရှိဘဲ SURF အမျိုးအစား မော်တော်ယာဉ်အား ရှေ့ဝဲဘက်ဘီးပြုတ်၊ ရှေ့လေကာမှန်ကွဲ ပျက်စီးနေပြီး ယာဉ်ပေါ်တွင် မသင်္ကာဖွယ်ဆာလာအိတ်များ တွေ့ရှိသဖြင့် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့နှင့် ပူးပေါင်း စစ်ဆေးခဲ့တာပါ။

 

စစ်ဆေးရာမှာ ဆာလာအိတ်များအတွင်းမှ ရောင်စုံဆပ်ပြာခွက်များဖြင့်ထည့်ထားသည့် ဘိန်းဖြူအလေးချိန် ၂၅.၁၉ ကီလို(ဒေသကာလပေါက်စျေးတန်ဖိုးငွေကျပ်သိန်း ၂၅၁၉၀)နှင့် ပလတ်စတစ်အိတ် များဖြင့်ထည့်ထားသည့် စိတ်ကြွရူးသွပ်ဆေးပြား ၅၀၈၀၀၀ ပြား(ဒေသကာလပေါက်စျေးတန်ဖိုးငွေကျပ်သိန်း ၁၀၁၆၀)တို့အား တွေ့ရှိသိမ်းဆည်းရမိခဲ့သဖြင့် ပြင်စာနယ်မြေရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲ စေသောဆေးဝါးများဆိုင်ရာဥပဒေဖြင့် အမှုရေးဖွင့်ပြီး တရားခံဖမ်းဆီးရမိရေး စုံစမ်းစစ်ဆေးလျက်ရှိကြောင်း သတင်းရရှိပါတယ်။

CCDAC


Spread the love
  •  
  •  
  •  
  •  
  •  
  •