မောင်တောမြို့နယ်အတွင်း မော်တော်ယာဉ်တစ်စီး မိုင်းပေါက်ကွဲမှု ဖြစ်ပွားပြီး ၃ ဦး သေဆုံး၊ ၆ ဦး ဒဏ်ရာရ

Spread the love
  •  
  •  
  •  
  •  
  •  
  •  

မောင်တောမြို့နယ်အတွင်း မော်တော်ယာဉ်တစ်စီး မိုင်းပေါက်ကွဲမှု ဖြစ်ပွားခဲ့ပြီး ၃ ဦး သေဆုံး၊ ၆ ဦး ဒဏ်ရာရရှိ
===================
နေပြည်တော်၊ နိုဝင်ဘာ – ၁၇

ရခိုင်ပြည်နယ်၊ မောင်တောမြို့နယ်၊ သာယာကုန်းကျေးရွာမှ မောင်းနှင်လာသော NOAH အမျိုးအစား အနက်ရောင်မော်တော်ယာဉ် ၁ စီးသည် ယနေ့ နေ့လယ် ၁ နာရီကျော်ခန့်တွင် လိပ်ရလမ်းဆုံအနီးအရောက်၌ ဒေသန္တရလက်လုပ်နင်းမိုင်း နင်းမိပေါက်ကွဲမှုဖြစ်ပွားခဲ့ပြီး ယာဉ်ပေါ်တွင်လိုက်ပါလာသူ ၉ ဦးအနက် ခရေမြိုင်ကျေးရွာနေ ကိုကျော်ရဲအောင် ၂၅ နှစ်၊ မအေးဆန်းနု ၂၀ နှစ်နှင့် မောင်ကျော်ဆန်းဦး ၃ နှစ်တို့ ၃ ဦးမှာ မိုင်းပေါက်ကွဲမှုကြောင့် နေရာ၌ပင် သေဆုံးခဲ့ပြီး တစ်ရွာတည်းနေ ကျန် ၆ ဦးမှာ မိုင်းစထိမှန် ဒဏ်ရာများရရှိခဲ့ကြောင်း သိရှိရသည်။

အဆိုပါ မိုင်းပေါက်ကွဲမှု ဖြစ်စဉ်ဖြစ်ပွားခဲ့သည့် နေရာအနီးတစ်ဝိုက်သို့ လုံခြုံရေးတပ်ဖွဲဝင်များက သွားရောက်၍ နယ်မြေလုံခြုံရေးလုပ်ငန်းများ ဆောင်ရွက်လျက်ရှိကြောင်းနှင့် ဒဏ်ရာရရှိသူများအား လိုအပ်သောဆေးဝါးကုသမှုများ ဆောင်ရွက်ပေးခဲ့ပြီး မောင်တောမြို့နယ်ဆေးရုံသို့ ဆက်လက်ပို့ဆောင်ပေးခဲ့ကြောင်း သတင်းရရှိသည်။http://dsinfo.org/node/682


Spread the love
  •  
  •  
  •  
  •  
  •  
  •