လွတ်လပ်ပြီး တရားမျှတသည့်ရွေးကောက်ပွဲအဖြစ် ကျင်းပနိုင်ခဲ့သည်ကို အသိအမှတ်ပြုကြောင်းဂျပန်အစိုးရ၏ ရွေးကောက်ပွဲလေ့လာရေးအဖွဲ့ ကထုတ်ပြန်

Spread the love
  •  
  •  
  •  
  •  
  •  
  •  

(Japanese version is below)

🇲🇲🇯🇵ဂျပန်အစိုးရ၏ မြန်မာနိုင်ငံအမျိုးသားပြန်လည်သင့်မြတ်ရေးဆိုင်ရာ အထူးကိုယ်စားလှယ်နှင့် ရွေးကောက်ပွဲလေ့လာရေးအဖွဲ့ခေါင်းဆောင် Mr. SASAKAWA Yohei ၏ အထွေထွေရွေးကောက်ပွဲ လေ့လာကြည့်ရှုပြီးနောက်ပိုင်း သတင်းထုတ်ပြန်ချက်

၂၀၂၀ပြည့်နှစ် နိုဝင်ဘာလ ၁၀ ရက်

ဂျပန်အစိုးရ၏ မြန်မာနိုင်ငံအမျိုးသားပြန်လည်သင့်မြတ်ရေးဆိုင်ရာ အထူးကိုယ်စားလှယ်ဖြစ်သော ကျွန်တော် SASAKAWA Yohei က ဦးဆောင်သည့် ဂျပန်အစိုးရ၏ရွေးကောက်ပွဲလေ့လာရေးအဖွဲ့သည် COVID-19 ရောဂါ ကူးစက်မှုအန္တရာယ်ကို စိုးကြောက်နေရသည့် အခြေအနေတွင် ရန်ကုန်တိုင်း‌‌ဒေသကြီးအတွင်းရှိ မဲရုံ စုစုပေါင်း (၁၀) ရုံတွင် မဲရုံများ စတင်ဖွင့်လှစ်ခြင်း မှစ၍ မဲရေတွက်သည့် လုပ်ငန်းစဉ်အထိတိုင်အောင် နိုဝင်ဘာလ ၈ရက်နေ့က လေ့လာကြည့်ရှုခဲ့ရာ လွတ်လပ်ပြီး တရားမျှတသည့်ရွေးကောက်ပွဲအဖြစ် ကျင်းပနိုင်ခဲ့သည်ကို အသိအမှတ်ပြုပါသည်။

ယခုကဲ့သို့သောအခြေအနေများထဲမှ ယခင်အထွေထွေရွေးကောက်ပွဲ ကျင်းပစဉ်ကကဲ့သို့ပင် မြန်မာနိုင်ငံ သားများက ဆန္ဒမဲပေးကြရန်အတွက် တည်ငြိမ်အေးချမ်းစွာ တန်းစီကြလျက် သတ်မှတ်ထားသော စည်းကမ်းများ အတိုင်း ဆန္ဒမဲပေးခဲ့ကြသည့် အသွင်သဏ္ဍာန်သည် စိတ်ထဲတွင် အထူးစွဲထင်ကျန်ရစ်စေပါသည်။

အထူးသဖြင့် လူငယ်များထံမှ မိမိတို့ ထည့်လိုက်သည့် ဆန္ဒမဲတစ်ပြားသည် မိမိတို့နိုင်ငံကို ပြောင်းလဲသွား စေနိုင်ကြောင်း၊ မဲမပေးမီညကဆိုလျှင် စိတ်လှုပ်ရှားလွန်း၍ အိပ်လို့ပင် မပျော်နိုင်ခဲ့ကြောင်း စသည့် စကားသံများ ကို ကြားခဲ့ရပြီး အလွန်ပင် စိတ်အားတက်ကြွမိပါသည်။

ထို့အပြင် ဆန္ဒမဲပေးပြီးသော ပြည်သူများက ကျွန်တော်တို့ဂျပန်အစိုးရက ပေးအပ်ကူညီထားသည့် အလွယ်တကူ ဖျက်ပစ်၍မရသော မင်ရည်ကို သုတ်လိမ်းထားသည့် လက်သန်းများကို ပြသကြပြီး ဆန္ဒမဲပေးပြီး ကြောင်းကို အချင်းချင်း အပြန်အလှန် အသိအမှတ်ပြုနေကြသည့် မြင်ကွင်းကို မြင်တွေ့ခဲ့ရပြီး ဂျပန်အစိုးရ အထူးကိုယ်စားလှယ်အနေဖြင့် ယခုလို မင်ရည် ပေးအပ်ထောက်ပံ့ခြင်းမှတစ်ဆင့် မြန်မာနိုင်ငံ၏ ဒီမိုကရေစီစနစ် ကူးပြောင်းရေးအတွက် အနည်းအကျဉ်းပင်ဖြစ်စေ အထောက်အကူပြုနိုင်ခဲ့သည့်အတွက် အလွန်ပင် ဝမ်းမြောက် ဝမ်းသာ ဖြစ်ရပါသည်။

နိုင်ငံတကာလူ့အသိုက်အဝန်းကလည်း ယခုကျင်းပပြီးစီးခဲ့သည့် အထွေထွေရွေးကောက်ပွဲကို လွတ်လပ် ပြီး တရားမျှတမှုရှိကြောင်း တန်းဖိုးထားအသိအမှတ်ပြုကြလိမ့်မည်ဟု အခိုင်အမာယုံကြည်ပါသည်။
မြန်မာနိုင်ငံသားများက ကိုယ်တိုင်ကိုယ်ကျ ရွေးချယ်တင်မြှောက်သည့် အစိုးရအဖွဲ့ ပေါ်ပေါက်လာပြီး သက်ဆိုင်ရာတာဝန်ရှိပုဂ္ဂိုလ်အားလုံးက ပူးပေါင်းဆောင်ရွက်ကြလျက် ဒီမိုကရေစီနိုင်ငံတော် တည်ဆောက်ရေး လုပ်ငန်းစဉ်များကို ရှေ့ဆက် အကောင်အထည်ဖော် ဆောင်ရွက်သွားနိုင်ကြရန် အထူးမျှော်လင့်တောင့်တလျက် ရှိပါသည်။

ဂျပန်နိုင်ငံအစိုးရအနေဖြင့်လည်း မြန်မာနိုင်ငံသူနိုင်ငံသားများ၏ အပ်နှင်းမှုဖြင့် ထွက်ပေါ်လာမည့် နောက်အစိုးရအဖွဲ့သစ်ကို ဆက်လက်ကာ လက်တွဲ၊ ပူးပေါင်းဆောင်ရွက်သွားပြီး မြန်မာနိုင်ငံသူနိုင်ငံသားများ၏ လူနေမှုအဆင့်အတန်း ပိုမိုတိုးတက်မြင့်မားလာစေရန် မဲဆန္ဒရှင်ပြည်သူများအားလုံး၏ မျှော်လင့်ချက်၊ အိပ်မက် များကို အတူတကွဖြည့်ဆည်းရန်အတွက် ပိုမိုကြိုးပမ်းအားထုတ်သွားမည်ဖြစ်ပါသည်။

🇲🇲🇯🇵笹川ミャンマー国民和解担当日本政府代表兼選挙監視団長総選挙視察後のメッセージ

11月10日

私、笹川陽平ミャンマー国民和解担当が団長を務める日本政府選挙監視団は、11月8日、新型コロナウイルス感染症の影響もあり、ヤンゴン地域内の合計10カ所の投票所において、投票開始から開票作業まで視察を行い、実際に自由で公正な選挙が実施されたことを確認しました。
その中でも、前回の総選挙同様、国民の皆さまが投票のため静かに列を作り、規律正しく投票している姿が大変印象的でした。
特に、若者から「自分が投じる一票が国を変える可能性がある。投票前日から緊張して眠れなかった。」という話を聞き、とても勇気づけられました。
また、投票を終えた方々が、我々日本政府が差し上げた二重投票防止の特殊インクを付けた小指を見せ合い、投票したことをお互いに確認し合う姿も拝見でき、日本政府代表として、こうしたインクへの支援を通じ、ミャンマーの民主化に少しばかり貢献できたことを非常に嬉しく感じました。
私は、国際社会も、今回の選挙が自由で公正であったと評価するものと確信しています。
ミャンマーの皆さまが、自らの手で選んだ政権が発足し、全ての関係者が協力して、民主的な国造りを更に進めていただきたいと強く願っています。日本政府としても、国民の付託を受けて発足した次期政権に引き続き寄り添い、協力し、国民の生活が更に豊かになるよう、投票した皆さまの期待、夢を一緒に叶えるため、一層努力していきます。

ミャンマー国民和解担当日本政府代表兼選挙監視団長 笹川陽平


Spread the love
  •  
  •  
  •  
  •  
  •  
  •